Xabaringiz bor, "Navbahor" ertaga Coca Cola Cuperliga 20-turi doirasidan o‘rin olgan bahsda Jizzaxda “So‘g‘diyona” klubi mehmoni bo‘ladi. "Lochinlar" a’zolari mazkur o‘yinga jiddiy tayyorgarlik ko‘rishdi va mashg‘ulotlarda astoydil ter to‘kishdi.
“Navbahor”ning navbatdagi mashg‘uloti yakunlanganidan so‘ng, “lochinlar”ning 19 yoshli mahoratli yarim himoyachisi Abdulhay Ismoilov bo‘lajak bahs borasidagi fikrlari bilan o‘rtoqlashdi.
- “So‘g‘diyona”ga qarshi kechadigan o‘yinga jiddiy hamda puxta tayyorgarlik ko‘rib, mashg‘ulotlarda astoydil ter to‘kdik. Jamoamiz bosh murabbiyi Andrey Antanasovich Kanchelskis mashg‘ulotlarni yevropacha usulda olib bordi. Bu esa bo‘lajak bahsda o‘z samarasini beradi, degan umiddaman.
Jizzaxdagi o‘yinda zafar quchib, muxlislarga quvonch ulashish uchun barcha imkoniyatimizni ishga solamiz va men ham jamoamizning yutug‘iga munosib hissa qo‘shish uchun maydonda qo‘limdan kelganicha harakat qilaman.
“Navbahor” PFK matbuot xizmati.
