20 сентябрь куни Cocа-cola Суперлигаси 20-турига старт берилди.

“Насаф” Cocа-cola Суперлигаси 20-турида Бухоронинг “Бухоро” жамоасини қабул қилади.

“Насаф” – “Бухоро” учрашуви 22 сентябрь якшанба куни Қарши “Марказий” стадионида бўлиб ўтади. Учрашув бошланишидан олдин концерт дастури режалаштирилган. Беллашув соат 18:00 да бошланади.

Ўзаро учрашувлар тарихидан

Мазкур клублар Ўзбекистон чемпионатида шу кунгача 43 бор куч синашишган. Натижалар жамоамизнинг устунлигини кўрсатмоқда. Бўлиб ўтган 23 учрашувда “Насаф”, 11 ўйинда эса “Бухоро” ғалабага эришган. 9 учрашувда томонлар муроса кўчасини танлашган.
Тўплар нисбати 73:41 га тенг. Устунлик “аждарлар” тарафида.
Ўзаро учрашувларда қайд этилган энг юқори ҳисоблар қуйидагича: “Насаф” – “Бухоро” 6:0, “Бухоро” – “Насаф” 5:1.
Жамоамиз сўнгги ўзаро учрашувни шу йилнинг 4 май куни Бухорода ўтказган. Бу учрашув 0:1 ҳисобида якунланган.

Қаршидаги ўзаро баҳсларга оид

Жамоалар шу пайтгача Қаршида 21 бор куч синашишган. 16 беллашувда жамоамиз ғалаба қозонган. 5 учрашувда дуранг қайд этилган. Дарвозаларга жами 54 та тўп киритилган. Тўплар нисбати 44:10.
Эътиборингизга, Қаршида бўлиб ўтган сўнгги беш учрашувнинг натижаларини ҳавола қиламиз.

09.03.2018 Насаф – Бухоро 3:1
09.03.2017 Насаф – Бухоро 2:1
09.09.2016 Насаф – Бухоро 3:0
22.08.2015 Насаф – Бухоро 0:0
29.03.2014 Насаф – Бухоро 3:0