Энг машхур спорт нашрларидан бири саналадиган «Германиа.оне» нашри «немис машинаси» тарихидаги энг кучли футболчилар рўйхатини эълон қилди. Атиги 11 та футболчигина жой топилган рўйхатдаги футболчилар билан таништириб ўтамиз. (1-қисм)
Франс Беккенбауэр
Бу инсон чинакамига халқ қаҳрамони десак, адашмаган бўламиз. У терма жамоа сафида 100 дан ортиқ ўйинда иштирок этибгина қолмай, терма жамоа учун муҳим тарихий ғалабаларга катта хисса қўшгани билан ажралиб туради.
Аввалига 1974-йилда футболчи сифатида мундиалда ғолиб чиққан бўлса, 1990-йилда мураббий сифатида яна бир бор дунёда тенгсиз эканлигини исботлаб қўйгани таҳсинга сазовар. Ҳозирда қаҳрамнимиз от спорти билан жуда қизиқб қолган ва ярим профессионал тарзда ушбу спорт билан шуғуланиб келмоқда.
Лотар Маттеус
Ярим ҳимоячи ва ҳимоячи сифатида ажойиб ўйинлари билан ёдимизда қолган футболчи Германия тарихидаги энг кучли 11 футболчидан бири эканлигига ҳеч кимни ҳайрон қолдирмаслиги аниқ.
Терма жамоа сафида 150 та ўйин ўтказган Маттеус 1990-йилда бўлиб ўтган ЖЧда ғолиб чиқади ва ўз фаолиятида кескин бурулиш ясайди.
Кейинчалик ўз фаолиятини бир нечта топ клубларда давом эттирган футболчи бутсаларини михга илгачг, эндиликда дизайнерлик билан шуғулланмоқда. Унинг майдонда жангчилар сингари кураш олиб бориши ва меҳнаткашлиги туфайли уни барча хурмат қилади. Лотар немис футбол ишқибозларининг чинакам эркатой футболчиларидан бири саналади.
Зепп Майер
Бундестим сафида доиммо кучли дарвозабонлар бўлган. Шундай бўлсада улар орасида Зепп Майерни алохида таъкидлаб ўтиш лозим.
Уни 1974-йилдаги ЖЧнинг чинакам қаҳрамонларидан бири десак, адашамаган бўламиз. 17 ёшга тўлгунига қадар машина тузатиш билан шуғулланган ўспирин футболга кеч кириб келган бўлсада, ўзидан ном қолдиришга муваффақ бўлди.
2008-йилда немис мухлислари томонидан ҳамма замонларнинг энг кучли дарвозабони унвони учун ўтказилган оммавий сўровномада айнан Зепп Маер ғолиб чиққан ва у катта фарқ билан Олвер Канни ўртда қолдирган эди.
Тони Кроос
Бир қарашда ҳайратланарли танлов, бироқ бу йигит аллақачон ўз номини футбол тарихига олтин ҳарфлар билан ёзиб қўйган.
У 2014-йилги мундиалда чемпион бўлибгина қолмай, кетма-кет 3 бор EЧЛда ғолиб чиққанни билан ҳам Германиялик мухлисларни қувонтирган эди. Тони жуда босиқ инсон ва наъмунали оила бошлиғИ ҳам ҳисобланади. Умуман олганда, Кроос немис футболидаги тирик афсналардан бири
Мирослав Клозе
.jpg)
Асли полшалик бўлсада, Франциядан Германияга кўчиб келган Клозе ушбу юрт тарихидаги энг кучли 11 футболчидан бири бўлиб етишади деб ким ҳам ўйлабди?!
Тўғри, терма жамоа сафида доиммо кучли ҳужумчилар бўлган бироқ, уларнинг ҳеч бири Клозе сингари ўта муҳим голларни ургани билан ёдда қолмаган. ЖЧ тарихида энг кўп гол киритган футболчи сифатида тарихдан жй олган қаҳрамонимиз 34 ёшда ҳам тўпурарлик маҳоратини йўқотмагани эътиборга молик.
