"Навбаҳор" бугун Coca Cola Cуперлига 20-тури доирасидан ўрин олган баҳсда Жиззахда “Сўғдиёна” клуби меҳмони бўлади.
"Лочинлар"нинг россиялик тажрибали ҳужумчиси Александр Касьян “Сўғдиёна” – “Навбаҳор” баҳси олдидан ўз фикрлари билан ўртоқлашди.
- Бўлажак ўйинга Андрей Антанасович Канчельскис қўл остида жиддий тайёргарлик кўрдик ва майдонга ғалаба иштиёқида тушамиз. Албатта, “Сўғдиёна” ҳам ўз майдонида зафар қучиш учун ҳаракат қилади. Шунинг учун ушбу баҳснинг кескин курашлар остида кечиши эҳтимоли юқори.
Жамоамиз 2-даврада мухлислар кутган ўйин намойиш этолмаяпти. Шунингдек, мен ҳам тўп киритолмаяпман. Жиззахдаги учрашувда гол уриш, жамоамизнинг ютуғига муносиб ҳисса қўшиш учун барча имкониятимни ишга соламан.
Бўлажак ўйинда ғалаба қозониб, мухлисларга қувонч улашамиз, деган умиддаман.
“Навбаҳор” ПФК матбуот хизмати.
