“Барселона” сардори Лионель Месси Испания чемпионатининг 7-туридан ўрин олган “Хетафе”га қарши ўйинни ўтказиб юборади.

32 ёшли ҳужумчи “Вильярреал”га қарши ўйиннинг биринчи бўлимида жароҳат олган эди.

“Қизил-анорранглилар” бош мураббийи Эрнесто Вальверденинг маълум қилишича, Месси сон мушакларида оғриқ сезган. Шунинг учун уни алмаштиришга мажбур бўлган.

ESPN нашрининг берган маълуотларига кўра, футболчи жароҳати туфайли “Хетафе”га қарши ўйинни ўтказиб юборади. Чоршанба куни Месси тиббий кўрикдан ўтади ва қачон сафга қайтиши маълум бўлади.

Эслатиб ўтамиз, “Хетафе” – “Барселона” ўйини 28 сентябрь куни бўлиб ўтади.