Тажрибали ҳимоячи Aнзур Исмоилов Ўзбекистон миллий терма жамоасидаги фаолиятини тугатишга қарор қилди. Бу ҳақда Aнзурнинг ўзи расман маълум қилди.
“Терма жамоада озми-кўп ўйнадим ва доим бор кучим билан ёрдам беришга ҳаракат қилдим. Буёғига эътиборимни фақат клуб футболига қаратмоқчиман. Ўз фикримни ЎФA терма жамоалар бўлимига етказдим. Ўйлайманки, улар мени тўғри тушунишади. Жаҳон чемпионати саралаш баҳсларида бош жамоамизга омад тилаб қоламан”, - дейди Aнзур Исмоилов.
Маълумот учун, Aнзур Исмоилов миллий жамоада 104 учрашувда майдонга тушиб, 3 та гол урган ҳимоячи сифатида терма жамоа тарихидан жой олади.
