Ла лига. «Барселона» сафардаги муваффақиятсиз ўйинлар сериясига чек қўйди

Испания чемпионатининг 7-тури доирасида "Барселона" Мадридда "Хетафе"га қарши баҳс олиб борди.

Биринчи бўлимда мезбонлар фаол ўйин намойиш қилишга ҳаракат қилишди. Бир вазиятда тер Штеген яккама-якка вазиятда рақиб ҳужумчиси томонидан берилган зарбани қайтаришга муваффақ бўлди.

Баҳснинг 41-дақиқасида "Барселона" посбони нафақат рақибнинг хавфли ҳужумини бартараф этди, балки ўша вазиятда голли узатмани ҳам амалга оширди. Мезбонлар футболчиси яккама-якка вазиятга чиқаётган пайтда германиялик посбон ўз жарима майдонни тарк этди, тўпни кўкраги билан қайтарди ва олдинги чизиқ томон тепди. Ҳимоячилардан қочиб кетган Луис Суарес яккама-якка вазиятда Давид Сорияни доғда қолдирди.

Иккинчи бўлимнинг дастлабки дақиқалари каталонияликлар учун омадли чиқди. Карлес Перес олис масофадан зарба йўллади. Дарвозабон қайтарган тўпни Хуниор Фирпо дарвозага жойлаб қўйди.

Умуман олганда, "кўк-анорранглилар" иккинчи 45 дақиқаликни яхши ўтказишди. Суареснинг зарбасига бироз аниқлик етишмаган бўлса, Артур олис масофадан бўш қолган дарвозага аниқ зарба бера олмади. Баҳснинг 82-дақиқасида эса Клеман Лангле иккинчи сариқ карточкани олиб, майдонни тарк этди. Қолган дақиқаларда Вальверде шогирдлари тўпни яхши назорат қилиб, ғалабани сақлаб қолишди.

Ушбу ғалабадан кейин "Барселона" ўз очколарини 13тага етказиб, вақтинчалик бўлса-да жадвалда 2-ўринга кўтарилиб олди.

Испания Ла лигаси, 7-тур
Хетафе – Барселона 0:2 (0:1, 0:1)
Голлар: 0:1 – 41 Суарес, 0:2 – 49 Фирпо.
Хетафе – Сория, Жене, Ньом (Кенеди, 46), Бруно Гонсалес, Кукурелья, Джейсон (Портильо, 72), Арамбарри, Максимович, Суарес, Анхель Родригес, Мата (Молина, 58).
Барселона – тер Стеген, Лангле, Фирпо, Пике, Сержи Роберто, де Йонг, Артур, Бускетс (Ракитич, 80), Карлес Перес (Тодибо, 86), Суарес, Гризманн (Семеду, 75).
Огоҳлантиришлар: Бруно Гонсалес (35), Бускетс (44), Лангле (47), Кенеди (63), Максимович (64), Серджи Роберто (77), Кукурелья (90).
Четлатиш: Лангле (82).

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

15/05 00:00	Тоттенхэм	0-2	Манчестер Сити
15/05 00:30	Реал Мадрид	5-0	Алавес
15/05 01:00	Жирона	0-1	Вильярреал
15/05 22:30	Севилья	0-1	Кадис
15/05 22:30	Райо Вальекано	2-1	Гранада
15/05 23:45	Брайтон	1-2	Челси
16/05 00:00	Ман. Юнайтед	3-2	Ньюкасл
16/05 00:00	Реймс	1-0	Марсель
16/05 00:00	Ницца	1-2	ПСЖ
16/05 01:00	Сельта	2-1	Атлетик Бильбао
16/05 01:00	Хетафе	0-3	Атлетико
16/05 22:30	Лас-Пальмас	-	Бетис
17/05 00:30	Альмерия	-	Барселона
17/05 01:00	Реал Сосьедад	-	Валенсия
17/05 23:45	Фиорентина	-	Наполи

Ла лига. «Барселона» сафардаги муваффақиятсиз ўйинлар сериясига чек қўйди

ЭНГ КЎП ЎҚИЛГАН ЯНГИЛИКЛАР