Ispaniya chempionatining 7-turi doirasida "Barselona" Madridda "Xetafe"ga qarshi bahs olib bordi.

Birinchi bo‘limda mezbonlar faol o‘yin namoyish qilishga harakat qilishdi. Bir vaziyatda ter Shtegen yakkama-yakka vaziyatda raqib hujumchisi tomonidan berilgan zarbani qaytarishga muvaffaq bo‘ldi.

Bahsning 41-daqiqasida "Barselona" posboni nafaqat raqibning xavfli hujumini bartaraf etdi, balki o‘sha vaziyatda golli uzatmani ham amalga oshirdi. Mezbonlar futbolchisi yakkama-yakka vaziyatga chiqayotgan paytda germaniyalik posbon o‘z jarima maydonni tark etdi, to‘pni ko‘kragi bilan qaytardi va oldingi chiziq tomon tepdi. Himoyachilardan qochib ketgan Luis Suares yakkama-yakka vaziyatda David Soriyani dog‘da qoldirdi.

Ikkinchi bo‘limning dastlabki daqiqalari kataloniyaliklar uchun omadli chiqdi. Karles Peres olis masofadan zarba yo‘lladi. Darvozabon qaytargan to‘pni Xunior Firpo darvozaga joylab qo‘ydi.

Umuman olganda, "ko‘k-anorranglilar" ikkinchi 45 daqiqalikni yaxshi o‘tkazishdi. Suaresning zarbasiga biroz aniqlik yetishmagan bo‘lsa, Artur olis masofadan bo‘sh qolgan darvozaga aniq zarba bera olmadi. Bahsning 82-daqiqasida esa Kleman Langle ikkinchi sariq kartochkani olib, maydonni tark etdi. Qolgan daqiqalarda Valverde shogirdlari to‘pni yaxshi nazorat qilib, g‘alabani saqlab qolishdi.

Ushbu g‘alabadan keyin "Barselona" o‘z ochkolarini 13taga yetkazib, vaqtinchalik bo‘lsa-da jadvalda 2-o‘ringa ko‘tarilib oldi.

Ispaniya La ligasi, 7-tur
Xetafe – Barselona 0:2 (0:1, 0:1)
Gollar: 0:1 – 41 Suares, 0:2 – 49 Firpo.
Xetafe – Soriya, Jene, Nyom (Kenedi, 46), Bruno Gonsales, Kukurelya, Djeyson (Portilyo, 72), Arambarri, Maksimovich, Suares, Anxel Rodriges, Mata (Molina, 58).
Barselona – ter Stegen, Langle, Firpo, Pike, Serji Roberto, de Yong, Artur, Buskets (Rakitich, 80), Karles Peres (Todibo, 86), Suares, Grizmann (Semedu, 75).
Ogohlantirishlar: Bruno Gonsales (35), Buskets (44), Langle (47), Kenedi (63), Maksimovich (64), Serdji Roberto (77), Kukurelya (90).
Chetlatish: Langle (82).