Ҳамюртимиз Исроил Мадримов бугун АҚШда проффесионал боксдаги навбатдаги жангини ўтказди.
Нью-Йоркдаги муҳташам «Madison Square Garden» аренасида кечган бокс кечасида Мадримов мексикалик тажрибали рақиб Алехандро Баррерага (29-6, 18 КО) қарши рингга кўтарилди. 10 раундга мўлжалланган жанг 5 раундда ниҳоясига етди. Исроил томонидан берилган кетма-кет зарбалардан сўнг жанг рефериси раунднинг 2:06 сонияси ортда қолганида жангни тўхтатди ва техник нокаут қайд этилди. Бунгача Баррера биринчи раундда ҳам нокдаун ҳолатига тушган, аммо ўрнидан туриб жангни давом эттира олганди.
Ушбу ғалаба орқали Исроил WBA Intercontinental чемпионлик камарини биринчи марта ҳимоя қилди. Унинг тўртта жангдан сўнг муддатидан олдин қўлга киритган ғалабалари сони тўрттани ташкил қилмоқда.
