Hamyurtimiz Isroil Madrimov bugun AQSHda proffesional boksdagi navbatdagi jangini o‘tkazdi.
Nyu-Yorkdagi muhtasham «Madison Square Garden» arenasida kechgan boks kechasida Madrimov meksikalik tajribali raqib Alexandro Barreraga (29-6, 18 KO) qarshi ringga ko‘tarildi. 10 raundga mo‘ljallangan jang 5 raundda nihoyasiga yetdi. Isroil tomonidan berilgan ketma-ket zarbalardan so‘ng jang referisi raundning 2:06 soniyasi ortda qolganida jangni to‘xtatdi va texnik nokaut qayd etildi. Bungacha Barrera birinchi raundda ham nokdaun holatiga tushgan, ammo o‘rnidan turib jangni davom ettira olgandi.
Ushbu g‘alaba orqali Isroil WBA Intercontinental chempionlik kamarini birinchi marta himoya qildi. Uning to‘rtta jangdan so‘ng muddatidan oldin qo‘lga kiritgan g‘alabalari soni to‘rttani tashkil qilmoqda.