Ушбу рукнимиздаги инервюларни тақдим этишда давом этамиз. Бугун жарима зарбалари қироли ва яқин ўтмишнинг энг кучли футболчиларидан бири саналадиган афсонавий Роберто Карлос томонидан эътироф этилган футболчилар ва улар ҳақида Карлос билдирган фикрлар билан таништириб ўтамиз.

Эден Азар

Азар «Реал Мадрид»да тўп сурган юқори даражадаги футболчилардан бир десам, адашамган бўламан. Айнан унинг меҳнатлари эвазига ЕЧЛда ғолиб чиқишимиз мумкин. Бундан ташқари унинг «Реал»га ўтиши ички чемпионатда ҳам ғолиб чиқишимизга катта кўмак беради. Очиғи, Ҳозирда Эден Азар ўз позициясида дунёнинг энг кучли футболчиларидан бири. Мадриддаги ўйинлари орқали энг кучлиси эканлигини исботлаши лозим. Ҳозир бунинг айни вақти.

Киллиан Мбаппе

Ёшлик, тезлик, теҳника ва ўйинни ўқий олиш қобилиятига эга бўлган Мбаппе 20 ёшидаёқ барчани ўзига қаратишга муваффақ бўлмоқда. Унинг Аргентина терма жамоасига қарши учрашувдаги ўйинини кўриб завқланган эдим. Унинг ўйинларини кўрганмда Тиери Анри кўз олдимга келади. Анридан фарқли ўлароқ, Мбаппеда янада ўсиб улғайиш ва кўп нарсани ўзлаштириш учун имконият мавжуд.  Дарҳақиқат, Киллиан ўз устида ишлашда давом этса, бир неча йилдан сўнг «Олтин тўп» совринига эга чиқишига Шубҳам йўқ.

Неймар

«Реал Мадрид» клубининг исталган мухлиси Неймарни ўз жамоаси сафида кўришни истайди. Шундай бўлсада, бу ўтмишда қолди ва эндиликда вазиятга реал кўз билан қарамоқ зарур. У ҳозир Парижда бахтли ва ҳаммаси ўз ўрнига қайтмоқда. Неймар ўзи истаса, дунёнинг энг кучли футболчисига айланиши мумкин. Бунинг учун ундан тинимсиз меҳнат ва маъсулият талаб этилади.

Роналду ёки Месси?

Мен Роналдунинг машғулот ўтказишини деярли ҳар куни томоша қилар эдим. Унинг меҳнаткашлиги мени ҳар сафар ҳайратга солиди. Биласими, Криш доимо нимадир ўрганишга, ниманидир ўзлаштиришга интилади. У бир неча йиллардан бери ўсишдан тўхтаб қолмаяпти. Бундан ташқари, ҳар қандай учрашув бўлишидан қатъий назар Криш ўта маъсулият билан ёндошади. Айнан шу жиҳатлари эвазига Криш Мессидан ажралиб туради. Тўғри, Лео феномен, бироқ ишга бўлган муҳаббат, проффесионалик, мотивация ва ўзига бўлган талабчанлик борасида Роналду Мессидан анча устун. Месси майдонда ҳеч ким амалга ошира олмайдиган ишларни осонлик билан уддаласада, Роналду энг кучли футболчи бўлиб қолаверади. Месси ҳам кўплаб рекордларни ўрнатаётган бўлсада, Роналду футбол тарихида ёрқинроқ из қолдирмоқда.