Сенегал ҳужумчиси Садио Мане Бразилия терма жамоасини мағлуб этиш ниятида.
"Бразилия дунёдаги энг яхши терма жамоалардан бири. Мен Фабиньо билан бу учрашув ҳақида суҳбатлашдим. Мен унга Сенегал Бразилияни 4:0 ҳисобида мағлуб этишини айтдим", - деди Мане Straits Times нашрига.
"Мен ғалаба қозонишни яхши кўраман. Бразилияга қарши ўйин ва унда ғалаба қозониш мен учун, жамоадошларим ва мамлакатим учун жуда муҳим. Шундай экан келинг ижобий натижага эришамиз", - дея қўшимча қилди Садио.
Эслатиб ўтамиз, бугун Сингапурда Бразилия ва Сенегал ўртасидаги ўртоқлик учрашуви бўлиб ўтади. Учрашув Тошкент вақти билан соат 17:00да бошланади.
