Тошкентдаги "Пахтакор" стадионида ЖЧ-2022 саралашидан ўрин олган Ўзбекистон ҳамда Яман миллий терма жамоалари ўртасидаги учрашув терма жамоамизнинг йирик 5:0 ҳисобидаги ғалабаси билан якунланди. Ўйиндан кейинги матбуот анжуманининг биринчи қисмида меҳмонлар устози Сами Ал Наш саволларга жаво бериб ўтди.

– Бугунги ўйинда тажриба борасидаги фарқ яққол сезилди. Бугун дастлабки иккта ўйиндаги ўйинимизни кўрсата олмадик. Тўғри, бизда ҳам вазиятлар бўлди, бироқ улардан фойдалана олмадик.

– Фаластин билан ўйиндан кейин Ўзбекистонни ўрганган, бугунги жамоа билан фарқи қандай?

– Фаластин ва бизга қарши ўйнаган Ўзбекистон ўртасидаги фарқ катта. Энг катта устунлик улар ўз мухлислари қаршисида ўйнайшди. Бу жамоанинг энг катта ютуғи бўлди.

– Аввалги икки ўйинда Яман терма жамоаси яхши ўйин кўрсатган эди. Бугун эса Яман терма жамоасининг ўйинида тетиклик кўринмади.

–  Албатта аввал ҳам айтиб ўтдим. Дастлабки иккита ўйинда кўрсатган ўйинимизни кўрсата олмадик. Шунингдек, асосий футболчимиз Муҳсен Муҳаммад ҳам бугунги ўйинда ёрдам бера олмади. Саудияга қарши ўйинни меҳмонда ўтказганимизга қарамай бизни кўплаб мухлислар қўллаб-қувватлаб турган эди. Шу сабабли ўз ўйинимизни кўрсатишимиз осонроқ бўлганди.