Toshkentdagi "Paxtakor" stadionida JCH-2022 saralashidan o‘rin olgan O‘zbekiston hamda Yaman milliy terma jamoalari o‘rtasidagi uchrashuv terma jamoamizning yirik 5:0 hisobidagi g‘alabasi bilan yakunlandi. O‘yindan keyingi matbuot anjumanining birinchi qismida mehmonlar ustozi Sami Al Nash savollarga javo berib o‘tdi.

– Bugungi o‘yinda tajriba borasidagi farq yaqqol sezildi. Bugun dastlabki ikkta o‘yindagi o‘yinimizni ko‘rsata olmadik. To‘g‘ri, bizda ham vaziyatlar bo‘ldi, biroq ulardan foydalana olmadik.

– Falastin bilan o‘yindan keyin O‘zbekistonni o‘rgangan, bugungi jamoa bilan farqi qanday?

– Falastin va bizga qarshi o‘ynagan O‘zbekiston o‘rtasidagi farq katta. Eng katta ustunlik ular o‘z muxlislari qarshisida o‘ynayshdi. Bu jamoaning eng katta yutug‘i bo‘ldi.

– Avvalgi ikki o‘yinda Yaman terma jamoasi yaxshi o‘yin ko‘rsatgan edi. Bugun esa Yaman terma jamoasining o‘yinida tetiklik ko‘rinmadi.

–  Albatta avval ham aytib o‘tdim. Dastlabki ikkita o‘yinda ko‘rsatgan o‘yinimizni ko‘rsata olmadik. Shuningdek, asosiy futbolchimiz Muhsen Muhammad ham bugungi o‘yinda yordam bera olmadi. Saudiyaga qarshi o‘yinni mehmonda o‘tkazganimizga qaramay bizni ko‘plab muxlislar qo‘llab-quvvatlab turgan edi. Shu sababli o‘z o‘yinimizni ko‘rsatishimiz osonroq bo‘lgandi.