Евро-2020 саралаш босқичи доирасида кеча оқшом 3та гуруҳда 7-тур ўйинлари бўлиб ўтди. "А" гуруҳидаги марказий ўйинда Чехия ва Англия терма жамоалари ўртасида ўтказилди.
Учрашув инглизлар учун омадли бошланди. Харри Кейн 5-дақиқада пенальтидан унумли фойдаланиб, ҳисобни очди. Чехлар эса тезда ҳисобни тенглаштиришди: Брабец 9-дақиқада ўз ҳисобига гол ёзиб қўйди.
Учрашув тугашига 5 дақиқа қолганида эса Ондрашек Чехияга ғалаба келтирувчи гол муаллифига айланди. Шу тариқа, Англия терма жамоасининг Евро ва ЖЧ саралаш босқичларидаги 43та ўйиндан иборат мағлубиятсиз сериясига чек қўйилди.
Энди Англия ва Чехия ҳисобида 12тадан очко мавжуд. Чехияликлар рақибга нисбатан битта ўйин кўп ўтказишган. Ноябрь ойида бўладиган Чехия-Косово ўйини иккинчи йўлланма эгасини аниқлашда муҳим аҳамиятга эга бўлади.
Евро-2020 саралаш босқичи
"А" ГУРУҲИ
Чехия – Англия 2:1 (1:1, 1:0)
Голлар: 0:1 – 5, пенальти Кейн, 1:1 – 9 Брабец, 2:1 – 85 Ондрашек.
Чехия – Вацлик, Брабец, Боржил, Цоуфал, Челюстка, Масопуст (Змргал, 90), Янкто (Копиц, 83), Соучек, Дарида, Крал, Шик (Ондрашек, 65).
Англия – Пикфорд, Кин, Магуайр, Роуз, Триппьер, Райс (Абрахам, 88), Санчо (Рэшфорд, 73), Хендерсон, Маунт (Баркли, 72), Стерлинг, Кейн.
Черногория – Болгария 0:0 (0:0, 0:0)
Черногория – Петкович, Лагатор, Симич, Савич (Косович, 39), Секулич, Вукчевич, Марушич, Больевич, Хакшабанович (Миркович, 82), Йовович (Янкович, 67), Бечирай.
Болгария – Илиев, Попов (Костадинов, 63), Димитров, Занев, Малинов, Иванов, Пашов, Краев, Вандерсон (Карагарен, 77), Марселиньо (Иса, 70), Недялков.
| № | Жамоа | Ўйин | Ғ | Д | М | Т - Н | Очко |
|---|---|---|---|---|---|---|---|
| 1 | Англия | 5 | 4 | 0 | 1 | 20-6 | 12 |
| 2 | Чехия | 6 | 4 | 0 | 2 | 11-9 | 12 |
| 3 | Косово | 5 | 2 | 2 | 1 | 10-10 | 8 |
| 4 | Болгария | 6 | 0 | 3 | 3 | 5-11 | 3 |
| 5 | Черногория | 6 | 0 | 3 | 3 | 3-13 | 3 |
