Англия терма жамоаси ва “Лестер” клуби ярим ҳимоячиси Жеймс Мэддисон бетоблиги сабабли терма жамоа  лагерини тарк этиб, тўғри казиновга йўл олди дея хабар тарқатмоқда The Sun.

Мэддисонни Европа чемпионати Европа — 2020 саралаш турнирининг 7-тур доирасида Чехия терма жамоасига қарши сафарда бўладиган учрашувга олиб кетмаслик Англия Футбол Ассоциациясининг қарори эди. Агар футболчи Чехия терма жамоасига қарши учрашувга олиб кетилганида ва ярим ҳимоячи майдонга тушганида бу учрашув унинг терма жамоадаги дебют учрашуви бўлиши мумкин эди.

Нашрнинг маълумотига кўра, Жеймсни казинода Чехия-Англия терма жамоалари учрашуви бўлиб ўтаётган вақтда кўришган. Ярим ҳимоячи ҳаттоки учрашувни томоша ҳам қилмаган.

Мэддисон клуб ихтиёрига келаси ҳафтада қайтиши кутилмоқда.