ФИФА кунлари доирасида дунёнинг бир нечта терма жамоалари ўртоқлик ўйинларини ўтказишмоқда. Бразилия терма жамоаси Сингапурда Нигерияга қарши майдонга тушди.

"Пентакампеонлар" етакчиси Неймар 12-дақиқада жароҳат олиб, майдонни тарк этди. Унинг ўрнига Коутиньо туширилди. Биринчи бўлим тугашига 10 дақиқа қолганида Арибо гол уриб, африкаликларни ҳисобда олдинга олиб чиқди.

Иккинчи тайм аввалида эса Каземиро ҳисобни тенглаштиришга муваффақ бўлди. Ушбу ҳисоб ўйин охиригача ўзгармай қолди.

Ўртоқлик ўйини
Бразилия – Нигерия 1:1 (0:1, 1:0)
Голлар: 0:1 – 35 Арибо, 1:1 – 48 Каземиро.
Бразилия – Эдерсон, Дани Алвес, Маркиньос, Тиаго Силва, Лоди, Артур (Фабиньо, 80), Каземиро, Эвертон (Ришарлисон, 46), Неймар (Коутиньо, 12), Фирмино (Габриэл Барбоза, 62), Габриэл Жезус (Лукас Пакета, 88).
Нигерия – Узохо (Окойе, 63), Аджайи, Коллинз, Трост-Эконг, Авазьем, Арибо (Шеху, 90), Ндиди, Ивоби (Азиз, 84), Чуквуэзе (Олайинка, 89), Саймон (Бонавентуре, 79), Осимхен (Онуачу, 74).
Огоҳлантиришлар: Ндиди (87), Тиаго Силва (90).