Хитойнинг «Далянь Ифан» клуби ярим ҳимоячиси Марек Гамшик Италия А Сериясига қайтиши мумкинлигини рад этмади.
— Хитойда барчаси яхши кетмоқда. Мавсум якунига етай деб қолди. Деярли бир йил бўлди келганимга ва бу ерда рўй бераётган барча нарсаларга ўрганиб қолдим. “Наполи”дан кетиш бу менинг қарорим эди. Албатта, «Наполи» юрагимда қолади. Бу жамоа чемпионликни қўлга киритиши ва Чемпионлар Лигасида муваффақиятли иштирок этишга қодир жамоа.
Билмадим, ҳозир “Наполи” учун фойдам тегадими ёки йўқ. Лекин, қайтиш имконияти бўлса рад этмайман. Бироқ, хитойликлар билан уч йиллик шартномага имзо чекканман, шу боисдан бу ерда қолиш ҳақида ўйлаяпман, — Гамшикнинг сўзларидан иқтибос келтирмоқда Sport Mediaset.
