Xitoyning «Dalyan Ifan» klubi yarim himoyachisi Marek Gamshik Italiya A Seriyasiga qaytishi mumkinligini rad etmadi.
— Xitoyda barchasi yaxshi ketmoqda. Mavsum yakuniga yetay deb qoldi. Deyarli bir yil bo‘ldi kelganimga va bu yerda ro‘y berayotgan barcha narsalarga o‘rganib qoldim. “Napoli”dan ketish bu mening qarorim edi. Albatta, «Napoli» yuragimda qoladi. Bu jamoa chempionlikni qo‘lga kiritishi va Chempionlar Ligasida muvaffaqiyatli ishtirok etishga qodir jamoa.
Bilmadim, hozir “Napoli” uchun foydam tegadimi yoki yo‘q. Lekin, qaytish imkoniyati bo‘lsa rad etmayman. Biroq, xitoyliklar bilan uch yillik shartnomaga imzo chekkanman, shu boisdan bu yerda qolish haqida o‘ylayapman, — Gamshikning so‘zlaridan iqtibos keltirmoqda Sport Mediaset.
