Евро-2020 саралаш босқичи доирасида 8-тур ўйинлари давом этмоқда. "G" гуруҳида Европа чемпионати йўлланмасини қўлга киритган дастлабки жамоанинг номи аниқ бўлди.

Польша терма жамоаси ўз майдонида Македонияни қабул қилиб, 2:0 ҳисобида ғалаба қозонди. Натижада саралаш босқичи якунига етишига 2та тур қолганида польяклар 3 ва 4-ўриндаги Македония ва Словениядан 8 очкога илгарилаб кетишди.

Австрия эса ушбу турда Словения меҳмони бўлиб, сафарда кичик ҳисобда ғалаба қозонди. Натижада австрияликлар ўз очколарини 16тага етказиб олишди. Қолган иккита ўйинда қўлга киритилажак 3 очко австрияликларни Евро-2020га олиб чиқади.

Евро-2020 саралаш босқичи
"G" ГУРУҲИ, 8-тур
Польша – Шимолий Македония 2:0 (0:0, 2:0)
Голлар: 1:0 – 74 Франковски, 2:0 – 80 Милик.
Польша – Шченсны, Берешиньски, Глик, Беднарек, Реца, Шиманьски (Милик, 68), Зелиньски (Пионтек, 90), Гуральски, Крыховяк, Гросицки (Франковски, 73), Левандовски.
Шимолий Македония – Димитриевски, Ристевски, Муслиу, Ристовски (Радески, 82), Бейтулаи, Спировски, Николов (Стойлов, 88), Элмаз, Алиоски, Несторовски (Трайковски, 73), Пандев.
Огоҳлантиришлар: Пандев (13), Николов (19), Несторовски (33), Беднарек (35), Шиманьски (39), Спировски (62), Реца (66), Алиоски (67), Муслиу (80).
 
Словения – Австрия 0:1 (0:1, 0:0)
Гол: 0:1 – 21 Пош.
Словения – Облак, Струна, Мевля, Стоянович, Иличич, Балковец, Крхин (Попович, 79), Вербич (Берич, 69), Куртич, Шпорар, Безяк (Зайц, 61).
Австрия – Станкович, Хинтереггер, Пош, Драгович, Ульмер, Лаймер, Ильзанкер, Баумгартлингер, Лазаро (Триммель, 88), Грегорич (Онисиво, 83), Забитцер (Кайнц, 90).
Четлатиш: Попович (89).