Жанубий Корея ва Ўзбекистон олимпия терма жамоалари ўртасида иккинчи ўйин бўлиб ўтди. Бу сафар Друлович шогирдлари ғалаба қозонишга муваффақ бўлишди.

Учрашувнинг 29-дақиқасида томонидан урилган гол эвазига Ву Йонг Жеонг томонидан урилган гол эвазига ҳисобни очишди.

Иккинчи бўлим бошида вакилларимиз томонидан уюштирилган ҳужум самарали якунланди. Мезбон ҳимоячилар қайтарган тўпни Илҳом Алижонов жарима майдони ичида чизиғи устида эгаллаб, дарвоза томон унчалик кучли бўлмаган зарба берди. Тўп эса йўл-йўлакай Абдухолиқовга тегиб, тўрга бориб тушди.

Бутун ўйин давомида ҳар иккала жамоа ҳужумкор ўйин намойиш қилишди. Тўп майдон марказида сақланиб қолмади. Ўйин тугашига 9 дақиқа қолганида ўзбекистонликлар рақиб хатосидан фойдаланиб, қарши ҳужум ташкил қилишди. Жасур Яхшибоев эса икки ҳимоячи орасида аниқ зарба бериб, олис бурчакни ишғол қилди. Бу гол олимпиячиларимизга ғалаба келтирди.

Бундан 3 кун аввал бўлиб ўтган дастлабки ўйинда Ўзбекистон U23 терма жамоаси бир бўлимдан ортиқроқ вақт мобайнида бир киши кам бўлиб ўйнаб, 1:3 ҳисобида имкониятни бой берган эди.

Халқаро ўртоқлик ўйини
ЖАНУБИЙ КОРЕЯ U23 – ЎЗБЕКИСТОН U23 1:2
Голлар: Ву Йонг Жеонг (29) -  Бобир Абдихолиқов (48), Жасур Яхшибоев (81)
Ўзбекистон: Абдувоҳид Неъматов, Ислом Қобилов, Абдулла Абдуллаев, Нурилло Тўхтасинов, Жасур Яхшибоев, Бобур Абдухолиқов, Ойбек Рустамов, Ҳусниддин Алиқулов, Илҳом Алижонов, Шаҳбоз Жўрабеков, Ойбек Бозоров