BBC хабарига кўра, Болгария футбол федерацияси президенти Борислав Михайлов Англия терма жамоасига қарши Евро-2020 саралаш учрашувидаги воқеалардан сўнг истеъфога чиқди.

Эслатиб ўтамиз, ҳакам биринчи бўлимда учрашувни икки марта британияликларга нисбатан маҳаллий мухлислар томонидан ирқчилик сабабли тўхтатган эди.

Бундан ташқари, Болгария бош вазири Бойко Борисов маҳаллий ишқибозларнинг даҳшатли хатти-ҳаракатларининг олдини олишга қодир эмаслиги сабабли футбол мутасаддисини истеъфога чиқишга чақирди.