Мавсумни яхши бошлаган "Атлетико" клуби, сўнгги турларда дуранглар "эпидемияси"га дучор бўлди. "Матрасчилар" сўнгги 6та ўйинда 1 марта ғалаба қозониб, 4 марта дуранг ўйнади, битта ўйинда ютқазди.

Симеоне шогирдлари "Ванда Метрополитано"да "Валенсия"ни қабул қилди. Учрашувнинг 35-дақиқасида тўп Денис Черишевнинг қўлига тегди. Ҳакам VAR ёрдамида валенсияликлар дарвозаси томон пенальти белгилади. Диего Коста ундан самарали фойдаланиб, ҳисобни очди.

Учрашув тугашига 8 дақиқа қолганида Даниел Парехо 25 метрлар масофадан жарима зарбасини йўллаб, ажойиб гол муаллифига айланди.

Учрашув дуранг билан якунланди. "Атлетико" 13 очко билан 4, "Валенсия" эса 13 очко билан 6-ўринни эгаллаб туришибди.

Испания Ла лигаси, 9-тур
Атлетико – Валенсия 1:1 (1:0, 0:1)
Голлар: 1:0 – 36, пенальти Диего Коста, 1:1 – 82 Парехо.
Атлетико – Облак, Эрмосо (Лоди, 54), Арьяс, Хименес, Фелипе, Сауль, Коке, Томас (Лемар, 54), Жоау Феликс, Мората (Льоренте, 68), Диего Коста.
Валенсия – Силлессен, Коста, Габриэл Паулиста, Гарай, Васс, Кондогбиа (Гамейро, 65), Ферран Торрес (Солер, 71), Парехо, Коклен, Черышев (Ли Кан Ин, 77), Макси Гомес.
Огоҳлантиришлар: Томас (29), Черышев (39), Жоау Феликс (44).
Четлатиш: Ли Кан Ин (90).