ПСЖда ижара асосида тўп сураётган Мауро Икарди Париж клубининг тўлақонли аъзосига аяланиши кутилмоқда. Бу ҳақда Calciomercato хабар берди.
Таъкидланишича, ПСЖ трансфер ҳуқуқи “Интер”га тегишли бўлган Икардини ижара муддати якунига етгач сотиб олади.
Икарди ПСЖга келишдан аввал “Интер” билан шартномасини 2022-йилга қадар узайтирганди. ПСЖ эса Маурони 70 миллион евро эвазига сотиб олиш ҳуқуқини қўлга киритган.
Маълумот учун, 26 ёшли Икарди ПСЖ сафида Лига 1 нинг 3та ўйинида қатнашиб, 2та гол урди.