Англиянинг «Манчестер Юнайтед» клубини Глейзерлар оиласи сотиш ниятида эмаслигини таъкидлаб ўтди Эд Вудворд.
—Глейзерлар оиласи клубда узоқ муддат қолмоқчи. Клуб нархи ҳақида ҳеч қандай гап-сўз бўлмади. Бизнинг ҳар бир суҳбатимиз узоқ йиллик истиқбол ҳақида бўлади.
Молиявий тарафдан бақувватмиз. Ўзимизни ўзимиз таъминлай оламиз. Ҳомийлик битимларга қарашимиз салбий. Лекин, ҳомийларнинг бизга таклиф билан чиқадилар. Совринларни киритиш учун тўғри йўлда эканлигимизга шубҳа йўқ, — деди Вудворд United We Stand журнали учун берган интервьюсида.
2005 йилнинг 13 май санасида америкалик бизнесмен Малкольм Глейзер клубнинг назорат пакетини 1,47 млрд. долларга сотиб олган. 16 майда эса ўз улушини 75 фоизга кўтарган.













