Голландиялик собиқ машҳур футболчи Рафаэль ван дер Ваарт "Манчестер Юнайтед" ҳимоячи Харри Магуайр учун нега бунча катта миқдорда пул сарф қилганига ҳайрон қолмоқда.

"Қачонки мен ҳаваскор футболчилар ўртасидаги ўйинни кўрсам, Магуайр сингари ўйин намойиш этишади. Мен жиддий гапиряпман. Менинг сўзларим кулгули туюлар. Лекин биз 90 миллионлик трансфер ҳақида гапиряпмиз. У ҳолда Ван Дейк 300 миллион евро туради.

Бу вазият кулгули туюлади, чунки Миллий Лигаси пайтида мен Голландия телевидениесида ишладим ва Магуайрни энг ёмон футболчи деганимизни эсладим.Орадан икки ой ўтгач, 90 миллион евро эвазига МЮга кўчиб ўтди", -  ван дер Ваартнинг сўзларидан иқтибос келтироқда Goal.com.

Ҳозирги кунда Магуайр футбол тарихида энг қиммат ҳимоячи саналади.