Тошкентнинг «Ҳумо» клуби ўз майдонида Ростов-на-Донунинг «Ростов» хоккей жамоасини қабул қилди.
Қизиқарли ва томошабоп тарзда кечган учрашувнинг биринчи даврида томонлар ҳар қанча уринишмасин рақиб дарвозасини ишғол қила олишмади. Иккинчи даврнинг ўрталарида Роман Таталин ва Артём Воронинларнинг узатмасидан сўнг Павел Синявский ҳисобни очишга эришди.
Бироқ иккинчи давр сўнггида меҳмонлар Павел Шербаковнинг узамтасидан сўнг Антон Антонов томонидан киритилган шайба эвазига мувозанатни тиклашди.
Беллашувнинг 50-дақиқасига келиб Синявский иккинчи бор рақиб дарвозасига йўл топишга эришди. Шу тариқа, Евгений Попихин шогирдлари 2 очкога эга чиқди.