Бугундан Эроннинг Урмия шаҳрида футзал бўйича Осиё чемпионати-2020 саралаш баҳслари старт олди.

Марказий ва Жанубий минтақанинг “А” гуруҳидан ўрин олган Ўзбекистон миллий терма жамоаси илк ўйинда Афғонистонга қарши баҳс олиб борди. Ўйин назоратини қўлдан чиқармаган Баҳодир Аҳмедов шогирдлари 6:2 ҳисобида ғалаба қозонишди.

Футзалчиларимиз эртага Непал билан тўқнаш келишади. Тожикистон терма жамоаси бугун непалликлар дарвозасига жавобсиз 6та тўп киритишди. Бу гуруҳда дастлабки 2та ўринни эгаллаган жамоа Осиё чемпионати йўлланмасини қўлга киритади.

Қитъа чемпионатининг финал босқичи 2020 йилнинг 24 февраль - 10 март кунлари Туркманистон пойтахти Ашхобод шаҳрида ўтказилади. Футзал бўйича жаҳон чемпионати 2020 йилнинг 12 сентябрдан 4 октябрга қадар Литва мамлакати ўтказилади. Осиёдан 5та терма жамоа Мундиал йўлланмасини қўлга киритади.

Футзал: Осиё чемпионати-2020 саралаши
Марказий ва Жанубий минтақа, “А” гуруҳи
Ўзбекистон - Афғонистон 6:2
Ўзбекистон: 1.Рустам Умаров, 4.Ихтиёр Ропиев, 6.Илҳомжон Хамроев, 8.Хусниддин Нишонов, 14.Суннатулло Жўраев.
Захира: 12.Равшан Элибоев, 2.Хушнур Эркинов, 3.Машраб Адилов, 5.Шаҳзод Садиев, 7.Дилшод Раҳматов, 9.Дилмурод Шавкатов, 10.Даврон Чориев, 11.Акбар Усмонов, 13.Дилмурод Жумаев.

Саралаш ўйинлари тақвими:

23 октябрь, чоршанба
14:30 | Тожикистон – Непал - 6:0
17:00 | Ўзбекистон – Афғонистон - 6:2

24 октябрь, пайшанба
14:30 | Афғонистон – Тожикистон
17:00 | Непал – Ўзбекистон

25 октябрь, жума
14:30 | Непал – Афғонистон
17:00 | Ўзбекистон – Тожикистон