Лондоннинг "Челси" клуби ҳимоячиси Курт Зума "Аякс" устидан қозонилган ғалабадан кейинги фикрларини билдирди.

"Рақибимизда куч кўп эканлигини билардик. Улар таркибида яхши футболчилар бор, Зиеш, Тадичлар шулар жумласидандир. Рақиб тўп билан муомила қилган пайтда хавфли кўриниши олишини аввалдан билар эдик. Шу боис, ҳимояда зич ўйнашни ўйладик. Бизда кўплаб имкониятлар юзага келди, бироқ, битта гол учун ҳам хурсандмиз. Майдонда бундай ёшларнинг бўлиши албатта фойдали. Бундай ўйинларда уларга тажриба ошириш жуда муҳим. Улар кўп нарсаларни ўрганишади. Асосан қачонги ғалаба қозонсак. Ҳозир биз мавсум стартига қараганда анча яхши ўйнаяпмиз. Буни натижа ҳам айтиб турибди. Бироқ, биз меҳнат қилишда давом этамиз. "Челси" – буюк клуб. Биз доим ғалаба қозонишни хоҳлаймиз", - деди Зума УЕФА расмий сайтига берган интервьюсида