Бугун пойтахтимиздаги “Локомотив” стадионида Ўзбекистон кубоги-2019 мусобақасининг финал учрашуви ўтказилади. XXVII бор ўтказилаётган мамлакат кубогининг бу йилги мавсуми финалида ҳам худди ўтган йилгидек “Пахтакор” ҳамда АГМК жамоалари куч синашишади.

Шу ўринда эслатиб ўтамиз, мамлакат кубогини жами саккиз жамоа қўлга киритган. Совринни энг кўп боши узра кўтарган жамоа бу “Пахтакор” саналади. “Шерлар” 11 марта финалда рақиблари устидан зафар қучган. Тошкентнинг “Бунёдкор” (4 марта), Наманганнинг “Навбаҳор” (3), Тошкентнинг “Локомотив” (3), Фарғонанинг “Нефтчи” (2), Қаршининг “Насаф” (1), Тошкент вилоятининг “Дўстлик” ва АГМК (1) жамоалари ҳам мазкур мусобақада зафар қучишган.

Бугун ўтказиладиган финал учрашувида ҳар иккала жамоага омад тилаймиз ва чиройли футбол кутиб қоламиз.

Coca-Cola Ўзбекистон кубоги / Финал
26 октябрь, шанба. Соат 17:00
ПАХТАКОР - АГМК
Ҳакамлар: Шерзод Қосимов (Тошкент), Абдуҳамидулло Расулов (Тошкент), Жаҳонгир Саидов (Тошкент), Жасур Мухторов (Тошкент)
Назоратчи: Рашид Айтеков (Тошкент)
Комиссар: Александр Давиденко.