Bugun poytaxtimizdagi “Lokomotiv” stadionida O‘zbekiston kubogi-2019 musobaqasining final uchrashuvi o‘tkaziladi. XXVII bor o‘tkazilayotgan mamlakat kubogining bu yilgi mavsumi finalida ham xuddi o‘tgan yilgidek “Paxtakor” hamda AGMK jamoalari kuch sinashishadi.

Shu o‘rinda eslatib o‘tamiz, mamlakat kubogini jami sakkiz jamoa qo‘lga kiritgan. Sovrinni eng ko‘p boshi uzra ko‘targan jamoa bu “Paxtakor” sanaladi. “Sherlar” 11 marta finalda raqiblari ustidan zafar quchgan. Toshkentning “Bunyodkor” (4 marta), Namanganning “Navbahor” (3), Toshkentning “Lokomotiv” (3), Farg‘onaning “Neftchi” (2), Qarshining “Nasaf” (1), Toshkent viloyatining “Do‘stlik” va AGMK (1) jamoalari ham mazkur musobaqada zafar quchishgan.

Bugun o‘tkaziladigan final uchrashuvida har ikkala jamoaga omad tilaymiz va chiroyli futbol kutib qolamiz.

Coca-Cola O‘zbekiston kubogi / Final
26 oktyabr, shanba. Soat 17:00
PAXTAKOR - AGMK
Hakamlar: Sherzod Qosimov (Toshkent), Abduhamidullo Rasulov (Toshkent), Jahongir Saidov (Toshkent), Jasur Muxtorov (Toshkent)
Nazoratchi: Rashid Aytekov (Toshkent)
Komissar: Aleksandr Davidenko.