Бельгия ва Голландия футбол федерациялари қўшма чемпионат тузиш имкониятини муҳокама қилишмоқда. Бу ҳақда Голландия қироллик футбол федерацияси хабар тарқатди.

Маълумотларга қараганда, муҳокаманинг дастлабки босқичида 11та клуб — Бельгиядан 5та («Гент», «Брюгге», «Генк», «Андерлехт», «Стандард») ва Голландиядан 6та («Аякс», «АЗ Алкмаар», «Утрехт», «Фейеноорд», ПСВ, «Витесс») жамоа иштирок этишди.

Мазокараларнинг илк даври муваффақиятли кечган. Тез орада янги чемпионат ташкил қилишнинг техник-иқтисодий таҳлил ишлари бошланади. Янги чемпионатнинг ишчи номи — БеНеЛига.