Москванинг “Спартак” клуби “Москва дербиси”да "Локомотив" (3:0) жамоаси устидан қозонган ғалабаси “қизил-оқлар”га қўшимча куч бағлашини айтиб ўтди "Спартак" клуби бош мураббийиДоменико Тедеско.
"Нафақат ҳар бир ижобий натижа, балки, чиройли ўйин ҳам бизга ишонч бағишлайди, - Тедесконинг сўзларидан иқтибос келтирмоқда ТАСС. – Бизда РПЛда кетма-кет бешта учрашувда ғалаба қозонган “Локомотив” клубини ишончидек ишонч йўқ эди.Бироқ, натижадан ҳайрон бўлмадим, чунки биз ажойиб ўйин ўтказдик, асосийси уч очкони қўлга киритдик".
"Биз тўрт ва беш ҳимоячи билан ҳам ўйнашимиз мумкин. Бугун бешта ҳимоячи билан ажойиб ўйин кўрсатдик, “Рубин”га қарши учрашувда ҳам тўртта ҳимоячи билан ёмон ўйин кўрсатмагандик. Илья Кутепов учинчи ҳимоячи бўлиб ўйнади, чунки у сўнгги пайтларда яхши ҳаракат қилаётган эди.Кўрамиз, "Ростов" клубига қарши қандай тактика остида майдонга тушамиз. Бизда “Ростов”ни ўйинини таҳлил қилиш учун вақтимиз бор", - деди "Спартак" клуби бош мураббийи.
Шунингдек, Тедеско жамоада катта салоҳият бор эканлигини қўшимча қилди: "Албатта, "Спартак" клуби умидсиз эмас, ўзимизга келиб олишимиз учун озроқ вақт талаб этиларди. Биз декабрь ойининг сўнггига қадар очколарни қўлга киритишимиз шарт. Жамоанинг салоҳияти юқори эканлигини бугун амалда исботладик", - деди 32 ёшли мутахассис.