Римнинг «Рома» клуби бош мураббийи Паулу Фонсека 9-тур доирасида «Милан» клуби устидан қозонилган ғалаба ҳақидаги фикрлари билан ўртоқлашди. Учрашув 2:1 ҳисобида “Рома” жамоаси ғалабаси билан якунланди.
«Футболчиларимиз жиддий кураш олиб боришди. Бир ҳафтада учта учрашув ўтказганимизни ҳисобга оладиган бўлсак, бугунги учрашувдаги ғалаба қўлга осонлик билан киритилмади.
Заньоло ажойиб ўйнади, у жуда муҳим бўлган голни киритди. Биз жуда ҳам зарур бўлган уч очкони қўлга киритдик.
Ўйиндан ўйинга ўсиб боряпмиз, шу боис қанақадир вазифани ўз олдимизга қўймаймиз. Турнир жадвалига кейинроқ назар ташлаймиз, ҳозир бу муҳим эмас», — Фонсеканинг сўзларидан иқтибос келтирмоқда Football Italia.
