«Реал Мадрид» жамоасининг чинакам афсонасига айланган Роберто Карлоснинг Мадрид жамоасига қандай келиб қолгани кўпчиликнинг ёдидан кўтарилмаган бўлса керак. 1996-йилда «Интер» «Реал Мадрид» ҳужумчиси Иван Самаранони қўлга киритиш учун «қироллик клуби» учун Карлос ва бир миллион евро таклиф қилган эди. Энг қизиғИ шундаки, Самарано «Интер»да ўзининг ноодатий рақимидан бошқа ҳеч нарсани намойиш эта олмаган бўлса, Роберто Карлос аксинча, клубнинг афсонавий футболчиларидан бирига айланди. Хўш футбол тарихида шунга ўхшаш яна қандай алмашинувлар амалга ошган? Бугун ушбу саволга жавоб излашга уруниб кўрамиз.
Кларенс Зейдорф ва Франческо Коко
Италиянинг «Интер» клуби 2002-йилда ўз тарихидаги энг улкан хатолардан бирига йўл қўйган десак, адашмаган бўламиз. Ўша даврларда дунёнинг энг кучли ярим ҳимоячиларидан бири саналган Кларенс Зейдорфни «Милан» клубининг қанот ҳимоячиси Франческо Коко билан айрбошлаш ортидан «кўк-қоралар» азалий рақибларини янда кучли жамоа бўлишларини таъминлаб беришди. Голландиялик футболчи «Милан» жамоаси сафида клублар миқиёсидаги барча мусобақаларда ғалаба қозонибгина қолмай, жамоанинг асосий юлдузларидан бирига айланди. Франческо Коко эса, «Интер»даги бутун фаолиятини деярли турли клубларда ижара асосида тўп суриш билан якунлади десак, адашмаган бўламиз. Энг қизиғи шундаки, «Милан» Зейдорфни қўлга киритиш учун бир евро ҳам сарфламаган.
Майкл Оуэн ва Антонио Нуньес
2001-йилда «олтин тўп»га лойиқ кўрилган ингилиз ҳужумчисини соатлаб тарифлаш мумкин. «Ливерпуль» клубининг барча даврлардаги энг яхши футболчиларидан бирини «Реал Мадрид» мухлисларига ҳам яхши бўлмаган Антонио Нуньес билан айрбошлаганидан хабари бўлмас, ажаб эмас. Тўғри «қаймоқранглилар» «Ливерпул» ҳужумчиси учун 8 миллион фунт стерлинг қўшиб беришган, бироқ бу сумма Антонио Нуньес бўлмаганида бир неча баробар кўпроқ кўриниш олиши мумкин эди. «Ливерпуль» мутасаддилари Нуньесдан умидлари катта бўлсада, афсонавий «Энфилд» уни қабул қилишни истмади. Оувен Мадриддаги илк мавсумида супер заҳира футболчисига айланиб қолган бўлишига қарамай 15 бор рақиб дарвозаларини ишғол қилишга муваффақ бўлди, бироқ кейинг мавсумдаёқ яна ортга қайтди. Футболчи ўз қарорини кўпроқ ўйин амалиётига эга бўлишни истагани билан изоҳлади. Шунга қарамай, «Ливерпул»дан фарқли ўлароқ «Реал Мадрид» Оуэн трансферидан ҳеч нарса ютказмади.
Эшли Коул ва Виллиам Галлас
«Арсенал» жамоасида тўхтатиб бўлмас футболчи даражасига кўтарилган Эшли Коулни қўлга киритиш учун «Челси» бир неча бор урунган бўлсада, фақат 2006-йилга келибгина ўз мақсадига етишга муваффақ бўлди. Энг қизиғИ шундаки, 2005-йилда «Арсенал» ўз ҳимоячисини 30 миллион фунт стерлингга сотишни истамаган бўлса, орадан бир йил ўтиб «Челси»нинг франциялик ҳимоячиси Виллиам Галас билан алмаштиришга рози бўлади. Тўғри, «Челси» Эшли Коулни текинга қўлга киритмади (“Аристократлар қанот ҳимоячисини қўлга киритиш учун Галлас ва 5 миллион фунтдан воз кечишган) бироқ, Коулнинг клуб равнақи учун қўшган хиссаси олдида 5 миллион арзимаган пулдек кўриниши аниқ. Галлас «Арсенал»да 10-рақамда тўп сургани ва жамоадошлари билан жанжаллашгани билангина мухлислар ёдида қолди холос. Коул эса, ундан фарқли ўлароқ, «Челси» билан биргаликда клублар миқиёсидаги барча совринни қўлга киритди ва узоқ муддат давомида дунёнинг энг кучли қанот ҳимоячиларидан бирига айланди.
Златан Ибраҳимович ва Это'о
Пеп Гвардиола қўл остида енгилмас жамоага айланган «Барселона»ни яна қандай йўсинда кучайитириш мумкинлиги ҳақида бош қотирган клуб раҳбарлари ўша даврнинг энг кучли футболчиларидан бири саналган Златан Ибраҳимовичнинг трансферига қўл уришди. Энг қизиғИ шундаки, клуб футболчини қўлга киритиш учун ўтган клуб ўйин фалсафасига мос тушувчи ва ўтган мавсумда 30 та гол киритган Самуэл Этаъодан воз кечди. 2009-йилда сўнгги йиллардаги энг кўзга кўринган футболчи алмашинуви чоғида «Барселона» «Интер» жамоасига Ибра учун ўз ҳужумчиси ва 40 миллион евродан воз кечди. Афсуски, Ибра кутилганидек фантастик ўйин намойиш этмади. Тинимсиз жанжаллар, мураббий билан тортишувлар футболчини Католонияда бир мавсумдан ортиқроқ ушлаб қола олмади. Самуэл Этаъо эса, «Интер» сафида ўзининг иккинчи ёшлигини ўтказди десак, адашмаган бўламиз. Қаҳрамонимиз Жозе қўл остида қанот ҳужумчиси вазифасини бажарган бўлсада, ўзининг сермаҳсулигини намойиш этишда давом этди. 2010-йилда «Интер» билан требл қайд этган қаҳрамонимиз нималарга қодир эканлигини яна бир бор барчага намойиш этиб қўйди.
