«Манчестер Юнайтед» ўзига янги спорт директори излаш билан овора.

The Sun нашрининг тарқатган маълумотларига қараганда, “манкунианлар”нинг ижрочи директори Эд Вудворд Ральф Рангник билан музокара олиб борган. Рангник ҳозирда “Ред Булл” компаниясининг спорт бўлими ва футболни ривожлантириш бўлими бошлиғи лавозимида ишлаб келмоқда.

Германиялик мутахассис «МЮ» клубига ўтишни истисно қилмаяпти. “МЮ”дек клубга ўтиш катта жавобгарликни талаб қилишини таъкидлаб ўтди.

Аввалроқ, бу лавозимга “қизил иблислар”нинг собиқ дарвозабони, ҳозирда “Аякс” клуби спорт директори бўлиб фаолият кўрсатиб келаётган Эдвин Ван дер Сар таклиф қилиниши ҳақида хабар тарқатилганди.

Эслатиб ўтамиз, 61 ёшли германиялик мутахассис “Бавария” клубини бошқариши мумкин бўлган бош мураббийлар рўйхатидан жой олган эди. Бироқ, Рангникни агенти “Бавария” билан музокара олиб боришдан бош тортганди.