Қозоғистоннинг "Остона" клуби ҳимоячиси Дмитрий Шомко "АЗ Алкмаар" (0:5) жамоасидан учралган шармандали мағлубиятдан кейинги фикрлари билан ўртоқлашди.
— Уят, албатта. Ўзимизнинг айбимиз сабаб ҳисоб шундай кўринишда бўлди.Бугун бизни қўллаб-қувватлаш учун ташриф буюрган мухлисларимиздан узр сўрайман. Сўнгги учрашувда ғалаба қозонишга ҳаракат қиламиз. Шундай қилишдан бошқа нарса билан мухлисларимизни хурсанд қила олмаймиз. Тушунаман, Қозоғистон чемпионига айландик, Европа Лигаси гуруҳ босқичидан ўрин олдик, қисқа қилиб айтганда олдимизга қўйилган вазифаларни бажардик.Аммо бу бугун йирик ҳисобда мағлуб бўлишимизга омил бўла олмайди, ҳеч қандай оқланмоқчи эмасман, барча айб ўзимизда. Яна бир бор бугунги ўйинимиз учун кечирим сўрайман, - деди Шомко sports.kzга берган интервьюсида.