Англия премьер-лигасининг 12-тури доирасида «Челси» ўз майдонида «Кристал Пэлас»ни қабул қилиб, ишончли ғалабани қўлга киритди.

Биринчи бўлимда мезбонлар у қадар кўп хавфли вазият ярата олишмади ва танаффусга қадар ҳисоб очилмади.

Иккинчи бўлимнинг дастлабки дақиқалари майдон эгалари учун самарали чиқди. Виллианнинг узатмасидан кейин Абрахам дарвозабон билан яккама-якка вазиятга чиқди ва мавсумдаги ўнинчи голини уришга муваффақ бўлди.

Учрашув тугашига 11 дақиқа қолганида эса Кристиан Пулишич ўз имкониятидан унумли фойдаланиб, жамоасининг иккинчи голини урди ва амалда ўйин тақдирини ҳал қилди.

Ушбу ғалабадан кейин Лэмпард жамоаси очколарни 26тага етказиб, жадвалда 2-ўринга кўтарилиб олди.

Англия чемпионати, 12-тур
Челси – Кристал Пэлас 2:0 (0:0, 2:0)
Голлар: 1:0 – 52 Абрахам, 2:0 – 79 Пулишич.
Челси – Аррисабалага, Зума, Эмерсон, Томори, Джеймс, Канте, Ковачич, Пулишич (Хадсон-Одои, 80), Маунт (Гилмур, 87), Виллиан, Абрахам (Батшуайи, 73).
Кристал Пэлас – Гуаита, Уорд (Келли, 44), Кэйхилл, ван Анхолт, Томкинс, Куяте (Маккарти, 82), Таунсенд, Макартур (Шлупп, 70), Миливоевич, Заа, Айю.
Огоҳлантиришлар: Виллиан (17), Заа (21), Эмерсон (31), Ковачич (33), Маккарти (90).