Дортмунднинг «Боруссия» клуби бош мураббийи Люсьен Фавр Джейдон Санчони нима учун «Бавария» клубига қарши бўлиб ўтган учрашувда заҳирага олганини тушунтириб берди.

19 ёшли футболчи учрашувнинг 36-дақиқасида алмаштириб юборилди. Учрашувда эса “Бавария” клуби 4:0 ҳисобида ғалаба қозонди.

Аввалроқ, Санчо жароҳат сабаб майдонни тарк этганлиги ҳақида хабарлар тарқатилганди.

— Ҳеч қандай жароҳат йўқ эди, у машғулотларда иштирок этганди, — деди Фавр. — Мен кўрганларимга муносабат билдиришим керак эди. Тан олишим керак, Санчо бугун яхши ўйнамётган эди” деди мураббий.

Учрашув якунига етганидан сўнг Санчо журналистларнинг саволларига жавоб беришдан бош тортди.