Олмалиқ шаҳрида аёллар ўртасида ЎзПФЛ Лига Кубогининг 5-7-ўринлар учун баҳслари давом этмоқда. Фарғонанинг "Нефтчи" жамоаси сабабсиз мусобақага етиб келмаганлиги учун турнирда учта жамоа иштирок этяпти. Кеча Термизнинг "Сурхон" жамоаси майдон эгалари АГМК-W2 жамоасини 2:1 ҳисобида мағлуб этиб, имкониятларини яхшилаб олган эди.

Бугун тур ўйинлари давом этди. Унда "Сурхон-W" ва "Бухоро-W" жамоалари ўзаро куч синашишди. Учрашувнинг 73-дақиқасида бухороликлар жарима майдонлари ичида ўйин қоидасини бузишди. 11 метрли жарима зарбасини эса Дилафруз Тошпўлатова аниқ амалга ошириб, ҳисобни очди. Шу тариқа термизликлар муддатидан олдин бешинчи ўринни қўлга киритди.

Эртага бўлиб ўтадиган "Бухоро-W" ва АГМК-W2 жамоалари учрашуви олтинчи ўрин эгасини аниқлаб беради.  Мусобақа ғолиблиги учун кечадиган асосий баҳслар эса 14 ноябрь куни старт олади. Унда "Навбаҳор" (Наманган), "Андижанка" (Андижон), "Динамо" (Самарқанд) ҳамда "Шўртан" (Ғузор) жамоалари куарш олиб боришади.

Аёллар футболи бўйича ЎзПФЛ Лига кубоги

12 ноябрь, сешанба

СУРХОН-W– БУХОРО-W 1:0

Олмалиқ. ОКМК спорт мажмуаси 31 томошабин

Ҳакамлар: Кристина Борисова, Александра Кончикова, Дарья Снеткова

Назоратчи: Н. Рўзимов

Комиссар: Ойбек Юнусов

Гол: Дилафруз Тошпўлатова, 73 пенальтидан (1:0)

Огоҳлантиришлар: Фазилат Мерганова, 53 – йўқ.