Fourfourtwo нашрининг ёзишича, Франциянинг «ПСЖ» клуби Каталониянинг «Барселона» клуби ҳужумчиси Антуан Гризманн билан шартнома имзолаш йўлларини изламоқда.
Манбанинг хабарига кўра, агар жамоани Килиан Мбаппе тарк этадиган бўлса, унинг ўрнига Гризманни олиб келишга тайёр.
Аввалроқ, Мадриднинг “Реал” клуби Мбаппе учун 400 миллион евро тўлаш ниятида эканлиги ҳақида маълумотлар тарқалганди. Бундан ташқари, «Ювентус» клуби ҳам Мбаппени сотиб олиш учун 380 миллион евродан воз кечишга тайёр.
Эслатиб ўтамиз, Гризманн «Барселона» таркибига 2019 йилнинг ёзида Мадриднинг “Атлетико” клубидан ўтган. Унинг шартномасида товон пули 120 миллион евро қилиб белгиланган.
