Жанубий Американинг бу икки терма жамоаси 18 ноябрь куни Исроилнинг Тель-Авив шаҳрида ўзаро ўртоқлик учрашув ўтказиши керак эди.
Daily Mail нашрининг тасдиқлашича, Ғазо Секторидан Исроилга учирилган 50 ракета сабаб ушбу ўртоқлик учрашув ўтказилмаслиги мумкин. Ушбу сиёсий мажоро сабаб хавфсизлик нуқтаи назаридан Исроилда бир нечта спорт тадбирлари бекор қилинган.
Беэр-Шева шаҳрида ўтказилиши керак бўлган «Маккаби» Тель-Авив ва «Хапоэль» баскетбол жамоаларининг ўзаро учрашув бекор қилинди. Айни пайтда Аргентина ва Уругвай терма жамоаларининг ўртоқлик учрашуви ўтказилиши катта эҳтимол бекор қилиниши кутилмоқда.













