Португалия терма жамоаси бош мураббийи Фернанду Сантуш ҳужумчи Криштиану Роналдунинг ҳолати ҳақида маълумот берди.
"У терма жамоа ихтиёрида бўлиб турибди. Боиси, унинг аҳволи яхши. Агар унда муаммолар бўлганида мен уни чақирмаган бўлардим. Ҳаммаси жойида ва у ўйнаши мумкин.
Умуман олганда, биз бу ерга Роналду ҳақида эмас, Литвага қарши ўйин ҳақида гаплашиш учун йиғилдик. Биз Евро-2020га чиқишимиз учун иккита ўйинда ғалаба қозонишимиз керак", - деди Сантуш.
Эслатиб ўтамиз, аввалроқ Роналду "Ювентус"нинг кетма-кет 2та ўйинида захирага олинган эди. Маурицио Сарри эса уни тиззасидаги муаммо туфайли алмаштирганини таъкидлаган эди.