"Бавария" ҳужумчиси Роберт Левандовски мухлислар томонидан клубнинг октябрь ойидаги энг яхши ўйинчиси деб тан олинди.
31 ёшли ҳужумчи 75,6% овоз олиб, Серж Гнабри (10%) ва Мануэл Нойерни (6%) ортда қолдирди.
Левандовски кетма-кет учинчи марта ойнинг энг яхши ўйинчисига айланди, бунга қадар "Бавария"нинг ҳеч бир ўйинчиси бу натижага эриша олмаган эди.
Октябрь ойида Левандовски барча турнирларда 6 та ўйин ўтказди ва 7 та гол уришга эришди.