Италия терма жамоаси бош мураббийи Роберто Манчини Босниява Герцеговино терма жамоаси устидан қозонилган ғалабадан кейин ўз фикрларини ўртоқлашиб, рекорд ўрнатиш ёқимли бўлганини тан олди. "Скуадра адзурра" илк маротаба кетма кет ўнта учрашувда ғалаба қозонди.
— Бу албатта ёқимли. Афсонавий Витторио Поццонинг рекордини янгилаш ёқимли эмас деб айтсам ёлғон гапирган бўламан. Биз хурсандмиз. Бу ажойиб ўйин бўлди. Боснияликлар кучли ва техникаси юқорилигини биларди, шу сабабли ўйин осон бўлмаслиги аниқ эди.Барча футболчилар яхши ўйин намойиш этишди. Бир нечта тажрибали футболчиларнинг саъйи-ҳаракатлари сабаб сафарда 3:0 ҳисобида ғалаба қозондик, — деди Манчини Football Italiaга берган интервьюсида.