Italiya terma jamoasi bosh murabbiyi Roberto Manchini Bosniyava Gersegovino terma jamoasi ustidan qozonilgan g‘alabadan keyin o‘z fikrlarini o‘rtoqlashib, rekord o‘rnatish yoqimli bo‘lganini tan oldi. "Skuadra adzurra" ilk marotaba ketma ket o‘nta uchrashuvda g‘alaba qozondi.
— Bu albatta yoqimli. Afsonaviy Vittorio Possoning rekordini yangilash yoqimli emas deb aytsam yolg‘on gapirgan bo‘laman. Biz xursandmiz. Bu ajoyib o‘yin bo‘ldi. Bosniyaliklar kuchli va texnikasi yuqoriligini bilardi, shu sababli o‘yin oson bo‘lmasligi aniq edi.Barcha futbolchilar yaxshi o‘yin namoyish etishdi. Bir nechta tajribali futbolchilarning sa’yi-harakatlari sabab safarda 3:0 hisobida g‘alaba qozondik, — dedi Manchini Football Italiaga bergan intervyusida.