АГМК навбатдаги назорат учрашувида «Андижон» билан баҳс ўтказди.

Қибрайда кечган ўйиннинг биринчи таймида АГМК жамоси устунликка эришди ҳамда қатор вазиятларга эга бўлди.

Биринчи бўлимнинг охирги дақиқасида ўнг қанотдан ташкил этилган ҳужумни Зафар Полвонов самарали якунлади. Мирғиёз Сулаймоновнинг жарима майдончасига оширган тўпини Полвонов боши билан дарвозага йўллади — 1:0.

Иккинчи таймда ҳам қизиқарли ўтган ўйинда ҳар иккала жамоа фаол ҳаракат қилди.

Танаффусдан кейин АГМК асосий таркиб футболчиларини захирага олди. Бу эса иккинчи бўлимда рақибга устунлик ўтишини таъминлади.

“Андижон” учрашувда мувозанатни тиклаган голни бурчак зарбасидан кейин киритди. Бу вазиятда Дониёр Исмоилов боши билан дарвозани ишғол қилди — 1:1. Ўйин тугашига яқин эса Дониёр Исмоилов яна икки бор гол уриб, якунда “Андижон” ғалабасини таъминлади.

18 ноябрь, душанба
Назорат ўйини
АГМК — “Андижон” 1:3
Қибрай стадиони.
Голлар: Зафар Полвонов (45) - Дониёр Исмоилов (74, 85, 90)

АГМК — Суҳроб Султонов (Акбар Тўраев, 46) - Мирғиёз Сулаймонов (ҒуломҲайдар Гулямов, 60), Сардор Раҳмонов, Игорь Зонич (Шаҳзод Нурматов, 60), Бобур Йўлдошев (Расул Йўлдошев, 76), Сайдулло Раҳматов (Шероз Жалолов, 60) - Зоҳир Пиримов (Сардор Абдунабиев, 62), Эркин Байдуллаев (Жасур Умаров, 46), Дилшод Жўраев (Миржамол Қосимов, 46), Элгужа Григалашвили (Мурод Тошматов, 46) - Зафар Полвонов (Жасур Ҳакимов, 60).

"Андижон": Акмал Ортиқов, Бобур Акбаров, Усмонали Исмоналиев, Хушнуд Авилов, Аброр Хусинов, Дилшод Раҳматуллаев, Роббимжон Ҳасанов, Сардор Азимов, Қаҳрамон Баҳодиров, Рўзимбой Аҳмедов, Шаҳзодбек Убайдуллаев.

Иккинчи бўлимда майдонга тушганлар: Виталий Мирний, Ильдар Маматказин, Жалил Кимсанов, Бахтиёр Қосимов, Фарҳод Мираҳматов, Абдуллоҳ Олимов, Дониёр Исмоилов, Фарҳод Бекмуратовлар майдонга тушишди.