"Реал" ҳужумчиси Гарет Бэйл Уэльс терма жамоасининг "Евро-2020"га йўлланма олганини кескин тарзда нишонлади. Бу ҳақда "The Sun" нашри хабар тарқатди.
Венгрия терма жамоаси устидан қозонилган ғалабадан кейин Бэйл мухлислар қўлидаги байроқни олиб, ғалабани нишонлаган. Байроқда қуйидаги сўзлар бор эди: "Уэльс, гольф, Мадрид. Ҳаммаси шу тартибда".
Бэйл ҳатто шу байроқ билан бирга суратга тушишдан ҳам тортинмаган.
Эслатиб ўтамиз, 30 ёшли футболчи октябрь ойидан бери "Реал" сафида майдонга тушмаяпти, аммо терма жамоа сафида иккита ўйин ўтказди. Мадридда Гаретнинг севимли машғулоти бўлмиш гольф билан шуғулланишини танқид қилишади. Ҳатто Мадридда Бэйлга "Гольф ўйинчиси" деб лақаб ҳам қўйишган.
