Англиянинг «Манчестер Юнайтед» клубининг собиқ ҳимоячиси Дэвид Мэй клубдан кетганидан кейин қийинчиликларга дуч келганлиги ҳақида гапириб берди.
Мэй «Юнайтед» таркибида 1994 йилдан 2003 йилгача 85 та учрашувда майдонга тушган. У “МЮ”ни эркин агент сифатида тарк этганидан кейин бу унга руҳан салбий таъсир кўрсатган.
Муаммо Мэй 1999 йилги муваффақиятли мавсумдан кейин жароҳат олди ва кейинчалик «Хаддерсфилд» клубига ижарага бериб юборилди. Бироқ, у «Хаддерсфилд» клубидаги дастлабки учрашувидаёқ жароҳат олди ва даволаниш учун «Юнайтед»га қайтди.
«МЮ»га қайтганидан сўнг у жароҳати билан овора бўлиб юраверди ва мавсум-2002/03дан кейин клуб уни қўйиб юборди.
— Эслайман, Каррингтондан чиқаётганимда барчаси тамом бўлганди. Энди нима қилиш керак? Мен бунга бардош бера олмадим. Йиғладим. Орқага суяниб нима қилиш кераклиги ҳақида ўйлардим.Менинг фаолиятим тугади, тамом бўлди, — деб хотирлайди Мэй Daily Mailга берган интервьюсида.
— уйимда бир ўзим кетма-кет 12 кун ичкиликбозликка ружу қўйдим. Чемпионат ғолиблигини нишонладик, аммо мен ухлашга ётишим керак эди. Шунинг учун бир бутилка Krug шампанини олиб нишонлаш кечасини тарк этдик. Боғнинг ўриндиғида бир девона ўтирган экан, унинг ёнига бордим ва гаплашиб ўтирдим. Бу кечаси соат 1лар атрофида эди. Биз ўша девона билан мен олиб чиққан шампан виносини ичиб тугатган эдик.Мен унга шиша тагида қолган винони бериб кетдим ва бу мени 12 кун ичкиликбозликка берилишимнинг биринчи куни эди.
Орадан бироз вақт ўтгач Мэй назоратни қўлдан чиқариб юбораётганини билди.
— 13-кун? Мен буни давом эттира олмаслигимни тушундим. Мен уйимга қайтиши керак эди. Қилаётган ишим нотўғри эканлигини билгандим. Эҳтимол, худди шу тушкунликдан чиқиш кераклигини ичганимдан кейин билгандирман. Уйга қайтдим. «Бёрнли» клубидан таклиф олдим ва у ерда 12 ой ўйнадим, кейин нафақага чиқдим, тамом.
Мэй “Юнайтед” таркибида Премьер-лигада икки марта ғолиб чиққан ва икки марта Англия Кубогини боши узра баланд кўтарган. Шунингдек, 1999 йилги ЕЧЛ финалида “Бавария”га қарши ўтказилган учрашувда заҳирада ўтирган эди.
