Лондоннинг “Тоттенхэм” клуби янги бош мураббийи Жозе Моуриньо “шпорлар”ни ҳеч қачон бошқармаслиги ҳақидаги гапларига изоҳ бериб ўтди.

“Тоттенҳэм” ҳақидаги сўзларим? Бу “Челси”дан истеъфога чиқарилмасимдан олдин айтилган эди. Замонавий футбол шундай. 

Бир клубга садоқатли бўлиш мураббийлар орасида йўқ. Ҳозир муносабатлар тезда ўзгармоқда. Футболчилар ҳам бир-биридан ва мураббийдан чарчаб қолиши мумкин. Ҳаммаси тезлашиб кетди.

“Манчестер Юнайтед”га келганимда қалбим бошқа клублардан ҳоли бўлган. Жамоада баъзи нарсалар менга ёқмаган бўлса-да, мухлислар ва ходимларга меҳр қўйганман.

Энди эътиборимни “Тоттенҳэм”га қаратаман. Умид қиламанки, бу ерда бахтиёр бўламан ва бошқаларни ҳам бахтиёр қиламан”, -дейди мураббий.

Эслатиб ўтамиз, 2015 йил Моуриньо ҳеч қачон “Тоттенхэм”ни бошқармаслиги ҳақида гапирган эди.